Ons Skool

Jacobsdal Primêre Skool is ‘n besonderse skool met ‘n baie ryk tradisie en hoë waardes. Ons skool is die spog skool in die Suid Vrystaat en staan glad nie terug vir enige groot en gevestigde skool in ons onmiddellike omgewing nie. Ons skool is trots op ons pragtige terrein, sportfasiliteite en ons waardetuin voeg sommer baie waarde by tot ons voorkoms.
Verder is ons trots op ‘n toegewyde personeelkorps wat lojaal is teenoor hul kollegas, die ouers en hul kinders. Ons het ‘n uitstekende bestuurspan wat insluit die Skool Bestuurspan, die Beheerliggaam, die Koshuiskomitee en die Ouervereniging en hulle vorm saam ‘n gedugte span wat hierdie skool met passie bestuur en ontwikkel.
Op akademiese-, sport- en kultuurgebied neem ons skool regtig die voortou in die Platteland en spog ons jaarliks met briljante uitslae en suksesse. Ons bure neem kennis van ons en ons is op almal se lippe. Ons, as Plattelandse skool met ons min personeel, bied dieselfde en soms meer vir kinders as wat ouers verwag en hier kry jy waarde vir jou geld.
Hier heers regtig ‘n wonderlike gees in ons skool en almal is vir ons ewe belangrik. Ons kinders, ons ouers en ons gemeenskap ondersteun mekaar en kyk na mekaar want ons besef maar al te goed dat ons afhanklik van mekaar is.
Die belangrikste van alles is dat ons ons afhanklikheid van ons Skepper besef en daarom het ons die afgelope jaar so baie gefokus op ons verhouding met ons Meester en ons eie waardes. Ons besef ook dat sonder ‘n waardegedrewe lewensbeskouing ons drome vir die toekoms waardeloos is. Hier voel elke kind hy of sy “behoort” en dat mooi en goeie gedrag en houding raakgesien en beloon word. Hier is plek en begrip vir elke individu.
Ons loop hier met ons hand in God se hand en ons weet dat ons deel is van Sy groot plan om hierdie skool dié skool in die Suid Vrystaat uit te sonder as Sy werksplek .
Dankie vir elkeen se bydrae om hierdie ‘n rustige en veilige vesting te maak vir elke kind, ouer en leerkrag.

Wat bied Jacobsdal aan?

Akademie:

Akademiese uitnemendheid

Redenaarskompetisies

Deelname aan Olimpiades

Entrepreneursdag vir graad 7

Omgewingsvasvra

Godsdiensonderrig

Liggaamlike Opvoeding

Inklusiewe Onderrig

Remediëring

Sport:

Atletiek en Tweekamp

Rugby & Pienkvoeterugby

Krieket & Mini-krieket

Netbal

Skaak

Tennis

Swem

Gimnastiek

Kultuuraktiwiteite:

Koor

Kunswedstryde

Redenaarskompetisies

VCSV / JKJA

Bybelvasvra

Konsert / Revue

Koshuisinwoning

Professionele Dienste

Klerewinkel

Kammaland ( Gr. R)

Visie

Dié primêre skool van uitnemendheid

in die Suid - Vrystaat

Missie

‘n Afrikaans Christelike fondasie met die fokus

op uitstaande onderrig en geheelontwikkeling

Slagspreuk

“Opwaarts Opwaarts”

Straatadres:

Jacobsdal Primêre Skool

Piet Retiefstraat

Posadres:

Posbus 107

JACOBSDAL

8710

Skoolhoof:

Mnr PW Tait

Tel:

053 – 5910039

Faks:

053 – 5910103

Sel:

084 996 4366

e-pos-adresse:

admin@jakkies.com

(Sekretaresse)

skoolhoof@jakkies.com

(Skoolhoof)

fin@jakkies.com

(Finansies)

sport@jakkies.com

(Sportorganiseerder)